कांग्रेस महाधिवेशनमा आज मतदान, बिहान १० बजेदेखि सुरु हुने

राजनीति

गृहपृष्ठ
राजनीति
कांग्रेस महाधिवेशनमा आज मतदान, बिहान १० बजेदेखि सुरु हुने

कांग्रेस महाधिवेशनमा आज मतदान, बिहान १० बजेदेखि सुरु हुने

बिहीबार, असोज २२, २०८३ गोदावरी न्युज

नेपाली कांग्रेसको १५औँ महाधिवेशनअन्तर्गत नयाँ केन्द्रीय नेतृत्व चयनका लागि आज बिहीबार मतदान हुँदैछ। निर्वाचन समितिका अनुसार मतदान बिहान १० बजेदेखि सुरु भएर साँझ ६ बजेसम्म चल्नेछ।

यसअघि बिहान ७ बजेदेखि मतदान सुरु गर्ने कार्यतालिका सार्वजनिक गरिएको थियो। तर भारी वर्षा तथा केही प्राविधिक कारणले मतदानको समय तीन घण्टा पछि सारिएको निर्वाचन समितिले जनाएको छ।

महाधिवेशनमा सहभागी ७ हजार २५५ जना महाधिवेशन प्रतिनिधिले २९७ सदस्यीय केन्द्रीय कार्यसमिति चयनका लागि मतदान गर्नेछन्। सभापतिसहित पदाधिकारी र केन्द्रीय सदस्य पदमा उम्मेदवारी दिएका नेताहरूको अन्तिम नामावली निर्वाचन समितिले बुधबार साँझ सार्वजनिक गरिसकेको छ।

केन्द्रीय निर्वाचन समितिका संयोजक एवं वरिष्ठ अधिवक्ता प्रेमबहादुर खड्काका अनुसार मतदान बिहान १० बजेदेखि साँझ ६ बजेसम्म हुनेछ।

मतदानलाई व्यवस्थित बनाउन महाधिवेशन प्रतिनिधिको प्रदेश तथा प्रतिनिधित्वका आधारमा छुट्टाछुट्टै मतदान केन्द्रको व्यवस्था गरिएको छ।

प्रकाशित मिति: बिहीबार, असोज २२, २०८३ ०८:४३