कांग्रेसको १५औँ महाधिवेशन प्रक्रिया सुरु, वडादेखि केन्द्रसम्म नेतृत्व चयन हुँदै

राजनीति

गृहपृष्ठ
राजनीति
कांग्रेसको १५औँ महाधिवेशन प्रक्रिया सुरु, वडादेखि केन्द्रसम्म नेतृत्व चयन हुँदै

कांग्रेसको १५औँ महाधिवेशन प्रक्रिया सुरु, वडादेखि केन्द्रसम्म नेतृत्व चयन हुँदै

शनिबार, असोज ३, २०८३ गोदावरी न्युज

नेपाली कांग्रेसको १५औँ केन्द्रीय महाधिवेशनअन्तर्गत वडा अधिवेशनको प्रक्रिया शनिबारदेखि सुरु भएको छ।

केन्द्रीय निर्वाचन समितिले स्थानीय अनुकूलताअनुसार शनिबार र आइतबार वडा अधिवेशन गर्न सकिने जनाएको छ। वडा अधिवेशनबाट निर्वाचित प्रतिनिधिहरू क्रमशः गाउँ–नगर, प्रदेशसभा तथा प्रतिनिधिसभा क्षेत्रीय अधिवेशन हुँदै केन्द्रीय महाधिवेशनमा सहभागी हुनेछन्।

निर्धारित कार्यतालिकाअनुसार असोज ७ गते गाउँ–नगरपालिका अधिवेशन र असोज १० गते प्रदेशसभा तथा प्रतिनिधिसभा क्षेत्रीय अधिवेशन हुनेछ।

त्यसपछि असोज १६ देखि १९ गतेसम्म केन्द्रीय महाधिवेशन आयोजना हुनेछ। नयाँ केन्द्रीय नेतृत्व चयनका लागि असोज १९ गते मतदान गर्ने कार्यतालिका रहेको छ।

विशेष महाधिवेशनबाट संशोधित विधानअनुसार यसपटक कांग्रेसको केन्द्रीय कार्यसमिति २३२ सदस्यीय हुने भएको छ।

प्रकाशित मिति: शनिबार, असोज ३, २०८३ १०:२४