भोटेकोसी बाढी : सुदूरपश्चिमका २८ जना सम्पर्कमा आए, १४२ अझै बेपत्ता

सुदुरपश्चिम प्रदेश

गृहपृष्ठ
सुदुरपश्चिम प्रदेश
भोटेकोसी बाढी : सुदूरपश्चिमका २८ जना सम्पर्कमा आए, १४२ अझै बेपत्ता

भोटेकोसी बाढी : सुदूरपश्चिमका २८ जना सम्पर्कमा आए, १४२ अझै बेपत्ता

शनिबार, भदौ १३, २०८३ गोदावरी न्युज

रसुवाको भोटेकोसी नदीमा आएको भीषण बाढीपछि सम्पर्कविहीन भएका सुदूरपश्चिमका २८ जना नागरिक परिवार तथा आफन्तको सम्पर्कमा आएका छन् ।

प्रदेश प्रहरी कार्यालय, धनगढीका अनुसार सम्पर्कमा आउनेमा कैलालीका १८ जना, कञ्चनपुरका ९ जना र डडेल्धुराका १ जना रहेका छन् । उनीहरू सुरक्षित अवस्थामा रहेको प्रहरीले जनाएको छ ।

प्रदेश प्रहरी कार्यालयका प्रवक्ता प्रहरी वरिष्ठ उपरीक्षक (एसएसपी) पदमबहादुर विष्टका अनुसार सम्पर्कमा आएका केही व्यक्ति घाइते छन् । उनीहरूको विभिन्न अस्पतालमा उपचार भइरहेको छ ।

बाढीपछि सुदूरपश्चिमबाट ठूलो संख्यामा नागरिक सम्पर्कविहीन भएका थिए । विभिन्न माध्यमबाट खोजी तथा सम्पर्कको प्रयास भइरहेका बेला २८ जना परिवारको सम्पर्कमा आएका हुन् ।

यद्यपि, अझै पनि सुदूरपश्चिमका १४२ जना नागरिक सम्पर्कविहीन रहेको एसएसपी विष्टले जानकारी दिएका छन् । सम्पर्कविहीन हुनेमा सुदूरपश्चिमका विभिन्न जिल्लाका नागरिक रहेका छन् ।

रसुवाको भोटेकोसी नदीमा आएको विनाशकारी बाढीका कारण रोजगारी तथा विभिन्न कामको सिलसिलामा रसुवा पुगेका सुदूरपश्चिमका नागरिकसमेत प्रभावित भएका हुन् ।

प्रदेश प्रहरीले सम्पर्कमा आएका नागरिकहरूको विवरण संकलन गर्दै बाँकी सम्पर्कविहीनको खोजी तथा उनीहरूको अवस्थाबारे जानकारी लिने कार्यलाई निरन्तरता दिइरहेको जनाएको छ ।

प्रकाशित मिति: शनिबार, भदौ १३, २०८३ १३:४१