‘स्रष्टाको अपमान भयो’ भन्दै प्राज्ञ सभा सदस्य पद अस्वीकार

सुदुरपश्चिम प्रदेश

गृहपृष्ठ
सुदुरपश्चिम प्रदेश
‘स्रष्टाको अपमान भयो’ भन्दै प्राज्ञ सभा सदस्य पद अस्वीकार

‘स्रष्टाको अपमान भयो’ भन्दै प्राज्ञ सभा सदस्य पद अस्वीकार

बुधबार, जेठ २०, २०८३ गोदावरी न्युज

गायक, गीतकार तथा संगीतकार एवं सांस्कृतिक समाज नेपालका अध्यक्ष राम प्रसाद अवस्थी ले सुदूरपश्चिम प्रज्ञा–प्रतिष्ठानको प्राज्ञ सभा सदस्यमा गरिएको आफ्नो नियुक्ति अस्वीकार गरेका छन्।

अवस्थीले सुदूरपश्चिमका सयौं भाषा, साहित्य, कला र संस्कृतिका स्रष्टाहरूलाई ओझेलमा पारेर प्रतिष्ठानको नेतृत्वमा बाहिरी जिल्लाका व्यक्तिहरूलाई प्राथमिकता दिइएको भन्दै असन्तुष्टि व्यक्त गरेका छन्। उनले कुलपति र उपकुलपति नियुक्ति प्रक्रियाले सुदूरपश्चिमका स्रष्टा समुदायमा गम्भीर प्रश्न खडा गरेको बताएका छन्।

"भाषा, साहित्य र संस्कृतिको उन्नयनका लागि स्थापना गरिएको संस्थामै सुदूरपश्चिमका स्रष्टाहरू उपेक्षित हुनु दुःखद र चिन्ताजनक विषय हो," अवस्थीले बताएका छन्।

उनले यो दिनलाई सुदूरपश्चिमको भाषा, साहित्य र संस्कृतिको इतिहासमा 'कालो दिन' का रूपमा स्मरण गरिने समेत उल्लेख गरेका छन्।a

प्रकाशित मिति: बुधबार, जेठ २०, २०८३ १४:३२