"गोदावरी नगर प्रमुखको अभिव्यक्तिप्रति मेयर हमालको प्रतिक्रिया : भ्रम नफैलाउन आग्रह"

राजनीति

गृहपृष्ठ
राजनीति
"गोदावरी नगर प्रमुखको अभिव्यक्तिप्रति मेयर हमालको प्रतिक्रिया : भ्रम नफैलाउन आग्रह"

"गोदावरी नगर प्रमुखको अभिव्यक्तिप्रति मेयर हमालको प्रतिक्रिया : भ्रम नफैलाउन आग्रह"

आइतबार, असार २९, २०८२ गोदावरी न्युज

धनगढी उपमहानगरपालिकाका प्रमुख गोपाल हमालले दृष्टि फाउन्डेसनलाई उपमहानगरले सहयोग नगरेको भन्ने आरोपप्रति खेद प्रकट गरेका छन्।

आइतबार साँझ एक भिडियो सन्देशमार्फत बोल्दै उनले उपमहानगरपालिकाले दृष्टि फाउन्डेसनलाई हरेक वर्ष पाँच लाख रुपैयाँ छुट्याउँदै आएको स्पष्ट पारे।

“दृष्टि फाउन्डेसनलगायतका सबै सामाजिक संस्थाहरूसँग नगरपालिकाले निरन्तर सहकार्य गर्दै आएको छ। कसैलाई पनि भेदभाव गरिएको छैन,” उनले भने। “उक्त संस्थाको खातामा रकम समेत दाखिला भइसकेको छ।”

केही दिन अघि गोदावरी नगरपालिकामा गरिएको दृष्टि फाउन्डेसनको शाखा उद्घाटन कार्यक्रममा गोदावरी नगरप्रमुख बिरेन्द्र भट्टले दिएको अभिव्यक्ति प्रति उनको भनाइ लक्षित थियो ।

अत्तरियामा आयोजित सो कार्यक्रममा मेयर भट्टले “धनगढीले सहयोग नगरे पनि गोदावरी नगरपालिकाले दृष्टि फाउन्डेसनलाई सहयोग गर्नेछ” भन्ने अभिव्यक्ति दिएका थिए।

सो अभिव्यक्ति प्रति दुःख व्यक्त गर्दै मेयर हमालले भने, “हामीले तीन वर्षदेखि यो संस्थालाई सहयोग गर्दै आएका छौं। अर्को स्थानीय तहको विषयमा हामी बोल्दैनौं, तर त्यहाँका मेयरले जे बोल्नुभयो, त्यो कुरो प्रति दु:ख छ। त्यसैले यस्तो भ्रमको पछि नलागौं।”

प्रकाशित मिति: आइतबार, असार २९, २०८२ २१:०७