मुलुकको शान्ति सुरक्षासँगै संविधान र राष्ट्रियताप्रति कांग्रेसको चिन्ता हो - नेता लेखक

राजनीति

गृहपृष्ठ
राजनीति
मुलुकको शान्ति सुरक्षासँगै संविधान र राष्ट्रियताप्रति कांग्रेसको चिन्ता हो - नेता लेखक

मुलुकको शान्ति सुरक्षासँगै संविधान र राष्ट्रियताप्रति कांग्रेसको चिन्ता हो - नेता लेखक

चैत ३ गोदावरी न्युज

प्रमुख प्रतिपक्षी दल नेपाली कांग्रेसका नेता रमेश लेखकले कम्युनिष्ट नेतृत्वको सरकारका कारण कांग्रेसलाई मुलुकको शान्ति सुरक्षासँगै संविधान र राष्ट्रियतामा गम्भिर प्रश्न उठेको बताएका छन् ।

कांग्रेस बैतडीले आइतबार सुर्नया गाउँपालिकामा आयोजना गरेको अर्न्तक्रिया कार्यक्रममा नेता लेखकले यस्तो बताएका हुन् । कांग्रेसलाई चुनाव हारेको चिन्ता नभई मुलुकको शान्ति सुरक्षासँगै संविधान र राष्ट्रियताप्रति चिन्ता बढेको उनको भनाई छ ।

नेता लेखकले सरकार भ्रष्टाचारमा चुर्लुम्मै डुबेको समेत आरोप लगाए । उनले भने-' भ्रष्टाचारीको अनुहार हेर्दिन भन्ने प्रधानमन्त्रीले आफ्नो अनुहार ऐनामा हेरे पुग्छ। केन्द्रदेखि गाउँसम्म संस्थागत भ्रष्टाचार व्याप्त छ।’

नेता लेखकले पराजित मानसिकता छोडेर उच्च मनोबलका साथ पार्टीभित्र बृहत एकता कायम गरेर अगाढी बढन कार्यकर्तालाई निर्देशन समेत दिए। जिल्ला सभापति नरेन्द्रसिंह थापाको सभापतित्वमा आयोजित अन्तरक्रिया कार्यक्रममा नेता लेखकसँगै पूर्वराज्यमन्त्री नरबहादुर चन्द, पूर्वसहायक मन्त्री केशवबहादुर चन्दलगायतका नेताहरु उपस्थित थिए।

प्रकाशित मिति: आइतबार, चैत ३, २०७५ १९:०३