नेपालमा कोरोना संक्रमणबाट थप एक जनाको मृत्यु

समाज

गृहपृष्ठ
समाज
नेपालमा कोरोना संक्रमणबाट थप एक जनाको मृत्यु

नेपालमा कोरोना संक्रमणबाट थप एक जनाको मृत्यु

बिहीबार, जेठ १५, २०७७ गोदावरी न्युज

काठमाण्डौ - नेपालमा कोरोना भाइरस (कोभिड १९) संक्रमणका कारण थप एक जनाको मृत्यु भएको छ । ललितपुर महानगरपालिका २२ बुङमती घर भएका ५७ वर्षीय एक पुरुषको बुधबार दिउँसो ४ बजे कोरोना संक्रमणका कारण मृत्यु भएको हो ।

उनको पीसीआर बिधिवाट गरिएको परीक्षणमा कोरोना रिपोर्ट पोजेटिभ आएको छ । यो सँगै नेपालमा कोरोनाबाट मृत्यु हुनेको संख्या ५ पुगेको छ । जेठ ११ गते पाटन अस्पताल पुगेका ति पुरुषलाई त्यहाँ आईसीयू नभएको भन्दै ग्वाकोस्थित किस्ट अस्पतालमा रिफर गरिएको थिया ।

जेठ ११ गते अस्पतालको आईसीयूमा राखिएका उनलाई १२ गते भेन्टिलेटरमा सारिएको थियो । १२ गते भेन्टिलेटरमा राखेपछि उनको थ्रोट स्वाब संकलन गरी परीक्षणका लागि पठाइएको थियो ।

मृत्यु पछि स्वाब परीक्षणको रिपोर्ट पोजिटिभ आएको किस्ट अस्पतालले जनाएको छ । यद्धपी स्वास्थ्य तथा जनसंख्या मन्त्रालयले भने उनको मृत्यु कोरोनाकै कारण भएको औपचारिक पुष्टि भने गरेको छैन । अहिले मृतकको शव अस्पतालमै रहेको छ ।

प्रकाशित मिति: बिहीबार, जेठ १५, २०७७ ०७:१५