आजको मौसम: हिमाली–पहाडी क्षेत्रमा वर्षा र हिमपातको सम्भावना, तराईमा तातो लहरको जोखिम

देश

गृहपृष्ठ
देश
आजको मौसम: हिमाली–पहाडी क्षेत्रमा वर्षा र हिमपातको सम्भावना, तराईमा तातो लहरको जोखिम

आजको मौसम: हिमाली–पहाडी क्षेत्रमा वर्षा र हिमपातको सम्भावना, तराईमा तातो लहरको जोखिम

शुक्रबार, वैशाख ११, २०८३ गोदावरी न्युज

काठमाडौँ — आज (शुक्रबार) देशका विभिन्न भागमा मौसममा विविधता देखिने भएको छ। दिउँसो कोशी प्रदेशलगायत हिमाली तथा पहाडी क्षेत्रमा साधारणतया बदली रहनेछ भने तराई क्षेत्रमा आंशिक बदली रहने मौसम पूर्वानुमान महाशाखाले जनाएको छ।

कोशी प्रदेशका हिमाली र पहाडी भागका केही स्थानमा, बागमती र गण्डकी प्रदेशका पहाडी क्षेत्रमा तथा लुम्बिनी, कर्णाली र सुदूरपश्चिम प्रदेशका हिमाली भेगमा मेघगर्जन र चट्याङसहित मध्यम वर्षा हुने सम्भावना रहेको छ। साथै, कोशी प्रदेशको तराईका केही स्थानमा पनि वर्षा हुन सक्ने जनाइएको छ।

यसैबीच, मधेश प्रदेशसहित बागमती, गण्डकी, लुम्बिनी, कर्णाली र सुदूरपश्चिम प्रदेशका तराई तथा उपत्यका क्षेत्रमा तापक्रम बढ्ने सम्भावना रहेको छ। विशेषगरी लुम्बिनी र सुदूरपश्चिमका तराई क्षेत्रमा तातो लहर चल्न सक्ने चेतावनी दिइएको छ।

आज राति भने देशका हिमाली क्षेत्रमा साधारणतया बदली, पहाडी क्षेत्रमा आंशिक बदली र तराई क्षेत्रमा मुख्यतया मौसम सफा रहनेछ। कोशी र गण्डकी प्रदेशका हिमाली भेगका केही स्थानमा हल्का वर्षा र हिमपातको सम्भावना रहेको मौसम पूर्वानुमान महाशाखाले जनाएको छ।

प्रकाशित मिति: शुक्रबार, वैशाख ११, २०८३ १०:४५