समानुपातिक निर्वाचन प्रणालीको मतगणना सम्पन्न,सिट संख्या निर्धारण गृहकार्य सुरू

देश

गृहपृष्ठ
देश
समानुपातिक निर्वाचन प्रणालीको मतगणना सम्पन्न,सिट संख्या निर्धारण गृहकार्य सुरू

समानुपातिक निर्वाचन प्रणालीको मतगणना सम्पन्न,सिट संख्या निर्धारण गृहकार्य सुरू

बुधबार, फागुन २७, २०८२ गोदावरी न्युज

फागुन २१ गते सम्पन्न प्रतिनिधिसभा सदस्य निर्वाचनअन्तर्गत समानुपातिक निर्वाचन प्रणालीको मतगणना सम्पन्न भएको छ।निर्वाचन आयोगका सहायक प्रवक्ता कुलबहादुर जिसीले मतगणना सकिएसँगै फारम सम्बन्धित निर्वाचन अधिकृतको कार्यालयबाट आयोगमा विवरण प्राप्त हुने क्रम भने जारी रहेको बताए ।

समानुपातिकतर्फको मतगणना सकिएसँगै समानुपातिकतर्फ राजनीतिक दलले पाउने सिट संख्या निर्धारणको गृहकार्य पनि सुरू भएको छ।केही दिनमा यो प्रक्रियाले पूर्णता पाउने जनाइएको छ।

यसैबीच आज बिहान ११ बजेसम्मको समानुपातिक निर्वाचनतर्फ एक करोड सात लाख ३९ हजार एक सय १५ मत गणना भएको निर्वाचन आयोगले जनाएको छ।गणना भएकोमध्ये राष्ट्रिय स्वतन्त्र पार्टी (रास्वपा) ५१ लाख ३९ हजार दुई सय ३५ सहित अग्रता कायम गरेको छ।

नेपाली काँग्रेसले १७ लाख ४९ हजार पाँच सय ८३, नेकपा (एमाले) ले १४ लाख ४८ हजार आठ सय ५४, नेपाली कम्युनिष्ट पार्टीले आठ लाख पाँच हजार सात सय ७३, श्रम संस्कृति पार्टीले तीन लाख ७८ हजार छ सय ४९ र राष्ट्रिय प्रजातन्त्र पार्टीले तीन लाख २९ हजार चार सय ७२ मत हासिल गरेका छन्।

अन्य दल थ्रेसहाल्ड कटाउने स्थितिमा देखिएका छैनन्।

प्रकाशित मिति: बुधबार, फागुन २७, २०८२ १२:३८