प्रतिनिधि निर्वाचन: सोमबार राति १२ बजेपछि प्रचारप्रसार निषेध

देश

गृहपृष्ठ
देश
प्रतिनिधि निर्वाचन: सोमबार राति १२ बजेपछि प्रचारप्रसार निषेध

प्रतिनिधि निर्वाचन: सोमबार राति १२ बजेपछि प्रचारप्रसार निषेध

सोमबार, फागुन १८, २०८२ गोदावरी न्युज

प्रतिनिधिसभा सदस्य निर्वाचनको प्रचारप्रसार सोमबार राति १२ बजेबाट निषेध भएको छ।

निर्वाचन आयोगका सहायक प्रवक्ता कुलबहादुर जिसीका अनुसार मतदान हुने दिनको ४८ घण्टा अघिदेखि मतदान सम्पन्न नभएसम्म उम्मेदवार, राजनीतिक दल वा सम्बन्धित व्यक्तिले प्रचारप्रसार गर्न नपाउनेछन्।

यस अवधिमा सामाजिक सञ्जाल, अनलाइन, छापा वा विद्युतीय माध्यमबाट कुनै पनि प्रचार सामग्री पोष्ट वा शेयर गर्न निषेध हुनेछ। साथै, मतदान स्थलको ३०० मिटर वरिपरि रहेका प्रचार सामग्री हटाउनुपर्ने व्यवस्था पनि लागू हुनेछ।

आयोगले प्रचार निषेध अवधिको उद्देश्य मतदाताले स्वतन्त्र र विवेकी निर्णय लिन सक्ने वातावरण सुनिश्चित गर्नु र स्वच्छ प्रतिस्पर्धा प्रवद्र्धन गर्नु रहेको जनाएको छ। मतदान प्रारम्भ हुनुभन्दा तीन घण्टा अघि देखि मतदान समाप्त नभएसम्म कसैले मतदाता वा मतदान प्रक्रिया प्रभावित पार्ने काम गर्न नपाउनेछन्।

प्रकाशित मिति: सोमबार, फागुन १८, २०८२ १६:३७