सुदूरपश्चिम खेलकुद छनोट- बैतडी भलिबलको सेमिफाइनलमा

खेलकुद

गृहपृष्ठ
खेलकुद
सुदूरपश्चिम खेलकुद छनोट- बैतडी भलिबलको सेमिफाइनलमा

सुदूरपश्चिम खेलकुद छनोट- बैतडी भलिबलको सेमिफाइनलमा

आइतबार, असोज २, २०७९ गोदावरी न्युज

कञ्चनपुर- सुदूरपश्चिम प्रदेशस्तरीय छनोट नवौँ राष्ट्रिय खेलकुद प्रतियोगिताअन्तर्गत प्रतियोगिताको महिला भलिबलमा बैतडी सेमिफाइनलमा प्रवेश गरेको छ ।

महेन्द्रनगरस्थित कभर्डहलमा भएको खेलमा बैतडीले डडेल्धुरा र अछाम दुवैलाई ३–० को सोझो सेटमा पराजित गरेको हो । फाइनल खेल आज सोमबार हुने बैतडी जिल्ला खेलकुद समितिका अध्यक्ष चमनकुमार भण्डारीले बताए । तेक्वान्दोमा पनि बैतडीका सुनिल विष्ट सेमिफाइन पुगेका छन् ।

त्यस्तै पुरुष फुटबलको पहिलो खेलमा बैतडीले बझाङलाई २–० गोलअन्तरले हराउँदै विजयी सभारम्भ गरेको छ । पुरुष र महिला ब्याडमिन्टनमा भने बैतडी पराजित भएको छ । कबड्डीको पहिलो खेलमा बैतडी दार्चुलासँग पराजित भएको छ ।

प्रदेशस्तरीय छनोट प्रतियोगिताका लागि बैतडीबाट १३ खेलका एक सय ५६ खेलाडी सहभागी छन् । कैलाली र कञ्चनपुरमा जारी प्रदेशस्तरीय छनोट प्रतियोगिता असोज ७ गतेसम्म सञ्चालन हुनेछ ।

नवौँ राष्ट्रिय खेलकुद असोज अन्तिम सातादेखि गण्डकी प्रदेशमा हुँदैछ ।

प्रकाशित मिति: आइतबार, असोज २, २०७९ १४:०५

प्रतिक्रिया दिनुहोस्