अत्तरिया - कैलालीको अत्तरियामा रहेको प्रतिभा पुस्तकालय को १३ औँ साधारण सभा शुरु भएको छ । अत्तरियामा रहेको पुस्तकालयको हलमा शनिबार साधारण सभा को एक कार्यक्रमका बिच सुदुरपश्चिम प्रदेश का सामाजिक विकास राज्यमन्त्री टेक बहादुर रैकाले उद्घाटन गरे ।
सभाले ४ बर्षे कार्यकाल को लागि नयाँ नेतृत्व चयन गर्नेछ । हाल संस्थाको अध्यक्षमा पुष्पराज जोशी रहेका छन् । उनले पुनः कार्यकाल दोहोर्याउन चाहेको बुझिएको छ ।संस्थाका ४३५ जना आजीवन सदस्य रहेका छन् । प्रतिभा पुस्तकालयको स्थापना २०५७ सालमा साहित्यकार कृष्ण पनेरु बन्चित को अगुवाईमा भएको थियो ।
यो पटक देखि पुस्तकालयले विभिन्न बिधामा पुरष्कार दिने समेत घोषणा गरेको । जस अनुसार दुर्गालक्ष्मी बहुमुखी क्याम्पसका प्राध्यापक जनक जोशीले स्थापना गरेको मुडभरी साहित्य पुरस्कार निर्मल कुमारी भण्डारीलाई प्रदान गरिएको छ । यस्तै गोदावरी ६ का स्थानीय खगराज पाठकले स्थापना गरेको गणेश -शारदा लोक साहित्य पुरस्कार लोक गायिका डिक्रा बादीलाई प्रदान गरिएको छ ।
1658923153.jpg)
