माईलस्टोन ईङ्गलिस बोडिङ्ग स्कुल धनगढीद्धारा मजदुरका लागि खाद्यान्न सहयोग

समाज

गृहपृष्ठ
समाज
माईलस्टोन ईङ्गलिस बोडिङ्ग स्कुल धनगढीद्धारा मजदुरका लागि खाद्यान्न सहयोग

माईलस्टोन ईङ्गलिस बोडिङ्ग स्कुल धनगढीद्धारा मजदुरका लागि खाद्यान्न सहयोग

सोमबार, चैत १७, २०७६ गोदावरी न्युज

धनगढी – धनगढी उप–महानगरपालिका ७ भानुचोकमा रहेको माईलस्टोन ईङ्गलिस बोडिङ्ग स्कुलले लक डाउनका कारण छाक टार्न समस्यामा परेका मजदुरका लागि भन्दै सोमबार धनगढी उप–महानगरपालिकालाई खाद्यान्न समाग्री उपलब्ध गरेको छ ।

धनगढी उप–महानगरपालिकाका प्रमुख नृपबहादुर वडलाई माईलस्टोन ईङ्गलिस बोडिङ्ग स्कुलका अध्यक्ष अमृता देवी मल्ल, प्रवन्ध निर्देशक बिरेन्द्रबहादुर मल्ल र संस्थापक भुवन मल्लले खाद्यान्न सामाग्री हस्तान्तरण गरेका हुन । अध्यक्ष मल्लका अनुसार चामल २० कट्टा, दाल एक कट्टा, तेल १ पेटी, लाईफवाय साबुन १ पेटी, नुन १ बोरी नगरस्तरीय बिपद ब्यबस्थापन समितिलाई बुझाईएको छ ।

नगरप्रमुख नृपबहादुर वडले प्राप्त भएको खाद्यान्नलाई छाकटार्न समस्या भैरहेका मजदुरलाई सहयोग पुग्नेगरी माईलस्टोन ईङ्गलिस बोडिङ्ग स्कुल परिवार धन्यवादको पात्र भएको बताए । जो जसले सामाजिक उत्तरदायीत्व सम्झेर सहयोग गरेको छ सबैलाई धन्यवाद दिन चाहन्छौं । माईलस्टोन ईङ्गलिस बोडिङ्ग स्कुलका अध्यक्ष मल्लले हामीले गरेको सानो सहयोगले मजदुरको चुलो बल्ने बताईन ।

उनले भनिन्, आफै धनगढी उप–महानगरपालिका ७ मा रहेको दृष्टी फाउन्डेशनलाई पनि ५ बोरी चामल, दाल, साबुन र चाउचाउ हस्तान्तरण गरेका छौं । धनगढी उप–महानगरपालिकाले अपिल मार्फत सहयोग गर्न चाहनेलाई नगरस्तरीय विपद ब्यबस्थापन समिति मार्फत सहयोग गर्न अनुरोध गरेको छ ।

प्रकाशित मिति: सोमबार, चैत १७, २०७६ १०:५०