सुदूरपश्चिममा राजनीतिक हलचल: मुख्यमन्त्री कमलबहादुर शाहद्वारा एमालेका चारै मन्त्री बर्खास्त

राजनीति

गृहपृष्ठ
राजनीति
सुदूरपश्चिममा राजनीतिक हलचल: मुख्यमन्त्री कमलबहादुर शाहद्वारा एमालेका चारै मन्त्री बर्खास्त

सुदूरपश्चिममा राजनीतिक हलचल: मुख्यमन्त्री कमलबहादुर शाहद्वारा एमालेका चारै मन्त्री बर्खास्त

बुधबार, असार ३१, २०८३ गोदावरी न्युज

सुदूरपश्चिम प्रदेशका मुख्यमन्त्री कमलबहादुर शाहले नेकपा (एमाले) का सरकारमा रहेका चारै जना मन्त्रीलाई बर्खास्त गरेका छन्।

बर्खास्त हुनेमा भूमि व्यवस्था, कृषि तथा सहकारी मन्त्री वीरबहादुर थापा, आन्तरिक मामिला तथा कानुन मन्त्री हिरा सार्की, भौतिक पूर्वाधार विकास मन्त्री सुरेन्द्र पाल तथा भौतिक पूर्वाधार विकास राज्यमन्त्री निर्मलादेवी साउँद रहेका छन्।

यसअघि मुख्यमन्त्री शाहले मुख्यमन्त्री तथा मन्त्रिपरिषद्को कार्यालयमा एमालेका मन्त्रीहरूलाई सामूहिक रूपमा बोलाएर प्रदेश सरकारको बजेटबारे पार्टीको आधिकारिक धारणा स्पष्ट पार्न आग्रह गरेका थिए।

मुख्यमन्त्री शाहले सरकारमै बसेर बजेटको विरोध गर्नु उपयुक्त नहुने भन्दै एमालेलाई तीन विकल्प दिएका थिए— बजेट पारित गर्न सहयोग गर्ने, सरकारबाट बाहिरिने वा सरकारलाई दिएको समर्थन फिर्ता लिने।

एमालेले बजेटप्रति असन्तुष्टि जनाउँदै सरकारमै बसेर विरोधको धारणा कायम राखेपछि मुख्यमन्त्री शाहले चारै जना मन्त्रीलाई पदमुक्त गर्ने निर्णय गरेका हुन्।

यस निर्णयसँगै सुदूरपश्चिम प्रदेशको सत्ता समीकरणमा नयाँ राजनीतिक घटनाक्रम सुरु भएको छ। अब सरकारको आगामी रणनीति र नयाँ मन्त्रिपरिषद् गठनबारे चासो बढेको छ।

प्रकाशित मिति: बुधबार, असार ३१, २०८३ १४:०१