सेनाकहाँ दौरासुरूवालमा जाने प्रधानमन्त्री फुटबल पोशाकमा सदन आउँछन् :ऐन महर

राजनीति

गृहपृष्ठ
राजनीति
सेनाकहाँ दौरासुरूवालमा जाने प्रधानमन्त्री फुटबल पोशाकमा सदन आउँछन् :ऐन महर

सेनाकहाँ दौरासुरूवालमा जाने प्रधानमन्त्री फुटबल पोशाकमा सदन आउँछन् :ऐन महर

सोमबार, जेठ १८, २०८३ गोदावरी न्युज

काठमाडौं — प्रधानमन्त्री वालेन्द्र शाहले प्रतिनिधिसभामा दिएको “नेपालले पनि भारतको भूमि मिचेको रहेछ” भन्ने अभिव्यक्तिपछि संसद्मा सोमबार पनि तनावपूर्ण अवस्था सिर्जना भएको छ ।

आइतबार अचानक संसद् भवन पुगेका प्रधानमन्त्री शाहले सभामुख डोलप्रसाद अर्यालसँग समय मागेर प्रतिपक्षी सांसदहरूले उठाएका प्रश्नहरूको जवाफ दिएका थिए । सो क्रममा उनले नेपाल–भारत सीमा विवादबारे बोल्दै नेपालले पनि भारतको भूमि मिचेको आफूले जानकारी पाएको बताएका थिए ।

प्रधानमन्त्रीको उक्त भनाइ सार्वजनिक भएपछि सामाजिक सञ्जालदेखि राजनीतिक वृत्तसम्म व्यापक प्रतिक्रिया आएको छ । सोमबार बसेको प्रतिनिधिसभा बैठकमा प्रतिपक्षी दलहरू एकजुट भएर सरकारको विरोधमा उत्रिएका छन् । बैठक सुरु भएदेखि नै प्रतिपक्षी सांसदहरूले नाराबाजी गरेका थिए ।

विरोधका बीच सभामुख अर्यालले प्रतिपक्षी दललाई बोल्ने समय दिएका थिए । प्रतिपक्षीका तर्फबाट बोल्दै नेकपा एमालेका प्रमुख सचेतक ऐन महरले प्रधानमन्त्री शाहले लगातार संसद्को अपमान गरिरहेको आरोप लगाए ।

उनले प्रधानमन्त्रीको पोशाकमाथि पनि टिप्पणी गर्दै भने, “प्रधानमन्त्री वालेन्द्र सेनाकहाँ जाँदा दौरासुरुवालमा सजिन्छन् । तर उनै सदनमा भने फुटबल खेल्ने पोशाक लगाएर आउँछन् । यो संसद्लाई फेशन शो गर्ने थलो बनाइएको छ ।”

महरले प्रधानमन्त्रीले दिएको अभिव्यक्ति संसद्को रेकर्डबाट हटाउन र सार्वजनिक रूपमा माफी माग्नुपर्ने मागसमेत गरेका छन् ।

प्रकाशित मिति: सोमबार, जेठ १८, २०८३ १५:५७