दार्चुलामा प्रधानाध्यापक मृत्यु प्रकरण : ८ जना पक्राउ

समाज

गृहपृष्ठ
समाज
दार्चुलामा प्रधानाध्यापक मृत्यु प्रकरण : ८ जना पक्राउ

दार्चुलामा प्रधानाध्यापक मृत्यु प्रकरण : ८ जना पक्राउ

मंगलबार, जेठ ५, २०८३ गोदावरी न्युज

दार्चुलाको ब्याँस गाउँपालिका–४ स्थित सम्पाल माध्यमिक विद्यालयका प्रधानाध्यापक बलदेवसिंह धामी मृत्यु प्रकरणमा प्रहरीले ८ जनालाई नियन्त्रणमा लिएर अनुसन्धान अघि बढाएको छ ।

प्रधानाध्यापक धामी सोमबार बिहान विद्यालय परिसरमै मृत अवस्थामा फेला परेका थिए । मृत्युअघि उनले फेसबुकमा आफूलाई योजनाबद्ध रूपमा मानसिक दबाब दिई आत्महत्या गर्ने अवस्थासम्म पुर्‍याइएको उल्लेख गर्दै स्टाटस लेखेका थिए । सोही आधारमा प्रहरीले आत्महत्या दुरुत्साहन मुद्दामा अनुसन्धान थालेको हो ।

प्रहरीले महाकाली नगरपालिका र ब्याँस गाउँपालिकाका ८ जनालाई पक्राउ गरेको जनाएको छ । जिल्ला अदालत दार्चुलाले उनीहरूलाई १० दिन हिरासतमा राखेर अनुसन्धान गर्न अनुमति दिएको छ ।प्रारम्भिक अनुसन्धानमा धामीले आत्महत्या गरेको देखिएको प्रहरीले जनाएको छ ।

उनले विद्यालयलाई नमुना विद्यालय बनाउने अभियानमा केही शिक्षकबाट असहयोग भएको गुनासो सामाजिक सञ्जालमार्फत व्यक्त गरेका थिए ।

प्रकाशित मिति: मंगलबार, जेठ ५, २०८३ १९:१७