निर्वाचन जितेपछि काठमाडौं पुगे कोइराला, क्षेत्र विकासका लागि नेतासँग छलफल

राजनीति

गृहपृष्ठ
राजनीति
निर्वाचन जितेपछि काठमाडौं पुगे कोइराला, क्षेत्र विकासका लागि नेतासँग छलफल

निर्वाचन जितेपछि काठमाडौं पुगे कोइराला, क्षेत्र विकासका लागि नेतासँग छलफल

बुधबार, फागुन २७, २०८२ गोदावरी न्युज

फागुन २१ गते सम्पन्न प्रतिनिधिसभा निर्वाचनपछि कैलाली क्षेत्र नम्बर ४ बाट निर्वाचित सांसद खेमराज कोइराला काठमाडौं पुगेका छन्।

काठमाडौं पुग्नेबित्तिकै उनले आफ्नो निर्वाचन क्षेत्रको समग्र विकास र जनताका समस्या समाधानका लागि आवश्यक पहल सुरु गरेको बताएका छन्।

काठमाडौंमा रहँदा उनले राष्ट्रिय स्वतन्त्र पार्टीका उपसभापति तथा प्रतिनिधिसभा सदस्य डीपी अर्याललगायत नेतासँग भेटघाट तथा छलफल गरेका छन्। भेटका क्रममा कैलाली क्षेत्र नम्बर ४ को विकास, जनताको अपेक्षा तथा स्थानीय समस्याबारे छलफल भएको कोइरालाले जानकारी दिएका छन्।

सांसद कोइरालाले आफ्नो क्षेत्रको समृद्धि र जनताको हितलाई केन्द्रमा राखेर आगामी दिनमा थप सक्रिय रूपमा काम गर्ने प्रतिबद्धता व्यक्त गरेका छन्। उनले जनताले दिएको विश्वासलाई कार्यान्वयनमार्फत प्रमाणित गर्ने बताए।

हालै सम्पन्न प्रतिनिधिसभा निर्वाचनमा कोइराला कैलाली–४ बाट विजयी भएका हुन्।

प्रकाशित मिति: बुधबार, फागुन २७, २०८२ १९:२१