अवरुद्ध राजमार्गलाई छिटो सुचारु गर्न मुख्यमन्त्री शाहको निर्देशन,आजसम्म एकतर्फी बाटो सञ्चालन गर्ने प्रयास

समाज

गृहपृष्ठ
समाज
अवरुद्ध राजमार्गलाई छिटो सुचारु गर्न मुख्यमन्त्री शाहको निर्देशन,आजसम्म एकतर्फी बाटो सञ्चालन गर्ने प्रयास

अवरुद्ध राजमार्गलाई छिटो सुचारु गर्न मुख्यमन्त्री शाहको निर्देशन,आजसम्म एकतर्फी बाटो सञ्चालन गर्ने प्रयास

बुधबार, साउन २४, २०८० गोदावरी न्युज

अत्तरिया - पहिरोका कारण अवरुद्ध भीमदत्त राजमार्गलाई छिटो सुचारु गर्न सुदूरपश्चिम प्रदेशका मुख्यमन्त्री कमलबहादुर शाहले निर्देशन दिनु भएको छ ।

हिजो गोदावरी नगरपालिका–४ स्थित बुढी तोलामा खसेको पहिरोको अवलोकन गर्दै उहाँले छिटै अवरोध हटायर राजमार्ग सुचारु गर्न सम्बन्धित निकायलाई निर्देशन दिनु भएको हो । वर्षाका कारण ठुलो पहिरो गएपछि हिजोदेखि नै भीमदत्त राजमार्ग अवरुद्ध भएको छ । साथै पहिरोका कारण राजमार्ग चर्किनुका साथै भासिएको छ ।

हिजोदेखि पहिरोले राजमार्ग अवरुद्ध भएपछि सुदूरपश्चिम प्रदेशको सात पहाडी जिल्लाको यातायात ठप्प भएको छ । पहाडबाट तराई झर्ने सवारी साधनसहित यात्रुहरु बाटोमै अलपत्र रहेका छन् । पहिरो पन्छाउने कार्य भइरहे पनि यातायात अझै सञ्चालन हुन सकेको छैन । आजसम्म एकतर्फी बाटो सञ्चालन गर्ने प्रयास भइरहेको छ ।

यस्तै, मुख्यमन्त्री शाहले गोदावरी धाममा भएको क्षतिको पनि अवलोकन गर्नु भएको छ । अनुगमनको क्रममा मुख्यमन्त्रीले बाढीले गरेको क्षतिको पुन निर्माण र नागरिकलाई विपत्तिबाट जोगाउन प्रदेश सरकार तयार रहेको बताउनुभयो । मुख्यमन्त्रीसँगै आन्तरिक मामिला तथा कानुन मन्त्री शिवराज भट्ट, भौतिक पूर्वाधार मन्त्री प्रकाशबहादुर देउवा पहिरो खसेको स्थानमा पुग्नु भएको थियो ।

प्रकाशित मिति: बुधबार, साउन २४, २०८० ०८:०७