डोटीका भूकम्पपीडितलाई पूर्वमन्त्री आलेको सहयोग

समाज

गृहपृष्ठ
समाज
डोटीका भूकम्पपीडितलाई पूर्वमन्त्री आलेको सहयोग

डोटीका भूकम्पपीडितलाई पूर्वमन्त्री आलेको सहयोग

बुधबार, कात्तिक २३, २०७९ गोदावरी न्युज

डोटी- पूर्वमन्त्री प्रेमबहादुर आलेले डोटीको पूर्वीचौकी गाउँपालिका–३ गैरागाउँमा गएको भूकम्पमा परी मृत्यु भएका ६ जनाको परिवारलाई एक लाख ५० हजार रुपियाँ राहत दिने घोषणा गरेका छन् ।

बुधबार बिहान भूकम्पका कारण धनजनको क्षति भएको क्षेत्र पूर्वीचौकी गाउँपालिका–३ गैरागाउँ पुगेका पूर्वमन्त्री आलेले मृतकहरुप्रति श्रद्धाञ्जली अर्पण गर्दै मृतकका परिवारलाई काजक्रियामा सहयोग पुगोस् भनी उनीहरुका परिवारलाई जनही २५ हजारका रुपयाँका दरले एक लाख ५० हजार रुपियाँ राहतको दिने बताएका हुन् ।

उक्त रकम जिल्ला विपद् व्यवस्थापन समितिमार्फत तत्कालै उपलब्ध गराउने बताएका छन् । गएरातिको भूकम्पमा परी पूर्वीचौकी गाउँपालिका–३ गैरागाउँका ६ जनाको ज्यान गएको छ भने अन्य ७ जना गम्भीर घाइते भएका छन् ।

डोटी निवासी पूर्वमन्त्री आले मङ्सिर ४ को निर्वाचनमा सोही जिल्लाबाट प्रतिनिधिसभा सदस्यको उम्मेदवार पनि रहेका छन् ।

प्रकाशित मिति: बुधबार, कात्तिक २३, २०७९ १५:००

प्रतिक्रिया दिनुहोस्