राष्ट्रिय सभा निर्बाचन - सुदुरपश्चिम प्रदेशमा गठबन्धनका उम्मेदवारको मतभार निकै बढी

राजनीति

गृहपृष्ठ
राजनीति
राष्ट्रिय सभा निर्बाचन - सुदुरपश्चिम प्रदेशमा गठबन्धनका उम्मेदवारको मतभार निकै बढी

राष्ट्रिय सभा निर्बाचन - सुदुरपश्चिम प्रदेशमा गठबन्धनका उम्मेदवारको मतभार निकै बढी

बुधबार, माघ १२, २०७८ गोदावरी न्युज

धनगढी -फागुन २० गतेदेखि राष्ट्रिय सभामा रिक्त हुन लागेका १९ सदस्यका लागि सात वटै प्रदेशमा निर्वाचन भईरहेको छ । नतिजा आजै सार्वजनिक हुने निर्वाचन आयोगले जनाएको छ ।निर्वाचनमा हाल सरकारमा रहेका पाँच दलले गठबन्धन गरेका छन् ।

मधेश प्रदेशमा प्रमुख प्रतिपक्षी नेकपा एमाले र लोकतान्त्रिक समाजवादी पार्टी (लोसपा)ले गठबन्धन गरेका छन् । राप्रपाले प्रदेश १ मा बाहेक अन्त मतदान नगर्ने निर्णय गरेको छ । प्रदेश सभा सदस्य र स्थानीय तहका प्रमुख÷उपप्रमुखको मतभार हेर्दा सत्ता गठबन्धन सात वटै प्रदेशमा अगाडि देखिएको छ ।

सुदुरपश्चिम प्रदेशमा एमालेले महिलातर्फ कैलालीकी सन्तोष कुमारी शर्मा थापा, दलिततर्फ बैतडीका नरेश विक र खुल्लातर्फ डोटीका डिल्लीराज भट्टको उम्मेदवारी छ । नेपाली कांग्रेसको तर्फबाट खुल्लामा कैलालीका नारायण मिश्र, माओवादी केन्द्रका तर्फबाट दलितमा डडेल्धुरका जगत पार्की र एकीकृत समाजवादीका तर्फबाट महिलामा गरिमा शाहलाई उम्मेदवार छन् ।

यहाँ ५२ जना प्रदेशसभा सदस्य र १७५ जना स्थानीय तहका प्रमुख उपप्रमुख तथा अध्यक्ष र उपाध्यक्षले मतदान गर्नेछन् । यँहा गठबन्धनका उम्मेदवारको मतभार निकै बढी रहेकाले उनिहरुको जित निश्चित जस्तै रहेको छ ।

प्रकाशित मिति: बुधबार, माघ १२, २०७८ १४:०८