सुदूरपश्चिममा ५ हजार ४ सय ६७ जना कोरोना संक्रमित निको भए

कोरोना अपडेट

गृहपृष्ठ
कोरोना अपडेट
सुदूरपश्चिममा ५ हजार ४ सय ६७ जना कोरोना संक्रमित निको भए

सुदूरपश्चिममा ५ हजार ४ सय ६७ जना कोरोना संक्रमित निको भए

शनिबार, भदौ २७, २०७७ गोदावरी न्युज

अत्तरिया - सुदूरपश्चिम प्रदेशका कुल कोरोना संक्रमित ६ हजार ४ सय ६ जना मध्ये ५ हजार ४ सय ६७ जना निको भएका छन् । हिजो थप ६ जना कोरोना संक्रमण मुक्त भएसंगै अहिले सम्म ५ हजार ४ सय ६७ निको भएका हुन् ।

सुदूरपश्चिमको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्की अनुसार हिजो कैलालीका ५ र कञ्चनपुरका १ जना डिस्चार्ज भएका हुन् । अहिलेसम्म सबैभन्दा धेरै संक्रमित रहेको कैलालीका १ हजार ५ सय १ जना निको भएर डिस्चार्ज भएको स्वास्थ्य निर्देशनालय डोटीले जनाएको छ ।

यस्तै डोटीका ९ सय ७ , अछामका ८ सय ९३, कञ्चनपुरका ६ सय ७४ , बाजुराका ४ सय ४२ , बझाङका ३ सय ६४, बैतडीका ३ सय २५, डडेल्धुराका ३ सय १६ र दार्चुलाका ४५ जना संक्रमित डिस्चार्ज भएका छन् ।

अहिले सम्म सुदूरपश्चिममा ७१ हजार ६ सय ४९ जनाको स्वाबको नमूना सांकलन भएकोमा ९८२ स्वाबको रिर्पोट आउन बाँकी रहेको छ । १४ जना संक्रमितको मृत्यु भएको छ ।

प्रकाशित मिति: शनिबार, भदौ २७, २०७७ ०९:५४