गोदावरीमा आज ५० जनाको पीसीआर परिक्षण, सबैको नतिजा नेगेटिभ

कोरोना अपडेट

गृहपृष्ठ
कोरोना अपडेट
गोदावरीमा आज ५० जनाको पीसीआर परिक्षण, सबैको नतिजा नेगेटिभ

गोदावरीमा आज ५० जनाको पीसीआर परिक्षण, सबैको नतिजा नेगेटिभ

आइतबार, असार १४, २०७७ गोदावरी न्युज

अत्तरिया – कैलालीको गोदावरी नगरपालिकाका आईतबार ५० जनाको पीसीआर परिक्षण गरिएको छ । गोदावरी नगरपालिका वडा नम्बर १० को क्वारेन्टाइनमा रहेका ५० जनाको धनगढी प्रयोगशालामा गरिएको पीसीआर परिक्षणमा सबैको नतिजा नेगेटिभ आएको हो ।

गोदावरी नगरपालिकाको स्वास्थ्य शाखाका अनुसार असार ७ गते वडा नम्बर १० को क्वारेन्टाइनमा बसेका ५० जनाको स्वाव संकलन गरिएको थियो । स्वास्थ्य शाखा प्रमुख विर बहादुर कुँवरले आरडीटी पोजेटिभ आएर स्वाव संकलन गरिएका सबैको पीसीआर नतिजा नेगेटिभ आएको बताए ।

यस्तै आजै कोरोना संक्रमितको दोस्रो पटक कोरोना परिक्षणको लागि स्वाव संकलन गरिएको छ । वडा नम्बर ३ को नवज्योती आधारभूत विद्यालयको आइसोलेसन र मालाखेती अस्पतालको आइसोलेसनमा राखिएका २१ जना कोरोना संक्रमितको दोस्रो पटक पीसीआर परिक्षणका लागि स्वाव संकलन गरिएको स्वास्थ्य शाखा प्रमुख कुँवरले बताए । उनले कोरोना संक्रमण देखिएका सबैको दोस्रो पटक पीसीआर परिक्षण गरिने बताए ।

गोदावरी नगरपालिकामा हालसम्म १ सय १६ जनामा कोरोना संक्रमण पुष्टि भएको छ । जसमा २ जनाको मृत्यु भएको छ भने १ जना उपचार पछि निको भएर घर फर्किएका छन ।

प्रकाशित मिति: आइतबार, असार १४, २०७७ १९:०८