गोदावरी धाम कैलालीमा बाह्रराशी दर्शन मेला माघमा आयोजना हुँदै

समाज

गृहपृष्ठ
समाज
गोदावरी धाम कैलालीमा बाह्रराशी दर्शन मेला माघमा आयोजना हुँदै

गोदावरी धाम कैलालीमा बाह्रराशी दर्शन मेला माघमा आयोजना हुँदै

शुक्रबार, पुस २५, २०८२ गोदावरी न्युज

पश्चिम नेपालको पवित्र तथा ऐतिहासिक धार्मिक स्थल गोदावरी धाम , कैलालीमा यस वर्ष पनि बाह्र राशी दर्शन मेला आयोजना हुने भएको छ।

गोदावरी धाम विकास समितिको आयोजनामा मेला माघ महिनामा सञ्चालन गरिने निर्णय भएको समितिले जनाएको छ।

विकास समितिद्वारा जारी प्रेस विज्ञप्ति अनुसार गोदावरीधाम पवित्र देवभूमि तथा देवभूमिको प्रवेशद्वारका रूपमा लिइँदै आएको छ। धार्मिक, सांस्कृतिक तथा ऐतिहासिक महत्व बोकेको यस स्थलमा आयोजना हुने मेलाले धार्मिक पर्यटन प्रवर्द्धनमा समेत टेवा पुग्ने विश्वास गरिएको छ।

मेलाको अवसरमा बाह्रौँ दर्शन, सत्संग, नक्षत्र स्थापना तथा दर्शन, ग्रह पूजा, ग्रह शान्ति, महायज्ञ, प्रवचनलगायत विभिन्न धार्मिक कार्यक्रमहरू सञ्चालन हुनेछन्। मेलामा देशका विभिन्न भागबाट श्रद्धालु भक्तजनहरूको उल्लेख्य सहभागिता रहने अपेक्षा गरिएको छ।

गोदावरी धाम विकास समितिका अध्यक्ष पदम राज जोशीले मेलाको प्रचारप्रसार तथा सफल आयोजनाका लागि सबै सञ्चारमाध्यम, स्थानीय तह र सरोकारवाला पक्षसँग सहयोग गर्न अनुरोध गरेका छन् ।

प्रकाशित मिति: शुक्रबार, पुस २५, २०८२ १३:१४