डडेल्धुरा अस्पतालमा अध्यक्षमाथि दुव्र्यवहारको विरोधमा आकस्मिकबाहेक सबै सेवा बन्द

समाज

गृहपृष्ठ
समाज
डडेल्धुरा अस्पतालमा अध्यक्षमाथि दुव्र्यवहारको विरोधमा आकस्मिकबाहेक सबै सेवा बन्द

डडेल्धुरा अस्पतालमा अध्यक्षमाथि दुव्र्यवहारको विरोधमा आकस्मिकबाहेक सबै सेवा बन्द

बिहीबार, पुस २४, २०८२ गोदावरी न्युज

डडेल्धुरा अस्पताल विकास समिति अध्यक्ष करूणाकर ओझामाथि कार्यकक्षमै दुव्र्यवहार भएको घटनाको विरोधमा आज (विहीबार)देखि आकस्मिक सेवाबाहेक अस्पतालका सम्पूर्ण सेवा बन्द गरिने भएको छ।

नेकपा (बहुमत)को नाममा आएका व्यक्तिहरूले बुधबार ओझामाथि विभिन्न आरोप लगाउँदै कालोमसो दलेका थिए। घटनापछि अस्पताल विकास समितिले प्रेस विज्ञप्ति जारी गर्दै कर्मचारीको मनोबल कमजोर बनाउने यस्तो कार्यप्रति गम्भीर आपत्ति जनाउँदै सेवा बन्द गर्ने निर्णय लिएको जनाएको छ।

विज्ञप्तिमा दोषीलाई तत्काल कानुनी दायरामा नल्याइएसम्म तथा घटनाले कर्मचारीको मनोबलमा पारेको असरलाई मध्यनजर गर्दै आकस्मिक सेवाबाहेक अन्य सबै सेवा पूर्ण रूपमा बन्द गर्ने उल्लेख छ।

यसैबीच, प्रमुख जिल्ला अधिकारी विष्णुप्रसाद कोइरालाले मोसो दल्ने चार जनाको पहिचान भइसकेको जानकारी दिएका छन्।

प्रकाशित मिति: बिहीबार, पुस २४, २०८२ १२:१२