बालिका दुव्र्यवहार गरेको आरोपमा धनगढीबाट एक जना पक्राउ

समाज

गृहपृष्ठ
समाज
बालिका दुव्र्यवहार गरेको आरोपमा धनगढीबाट एक जना पक्राउ

बालिका दुव्र्यवहार गरेको आरोपमा धनगढीबाट एक जना पक्राउ

शुक्रबार, वैशाख २, २०७९ गोदावरी न्युज

कैलाली - दिनदहाडै अर्काको घरमा प्रवेश गरी बालिकामाथी यौन दूर्व्यवहार गर्ने धनगढीका एक जनाका बिरुद्ध बाल यौन दूर्व्यवहारको मुद्दा दर्ता भएको छ । कैलालीको धनगढी उपमहानगरपालिका वडा नम्बर ४ उत्तरबेहेडी घर बनाई बसिरहेका ५१ वर्षका जगत कुँवर विरुद्ध ११ वर्षकि बालिकालाई यौन दूर्व्यवहार गरेको भन्दै आज जिल्ला प्रहरी कार्यालय कैलालीमा मुद्दा दर्ता भएको हो ।

आरोपित कुँवरलाई बुधबार बेलुका वडा प्रहरी कार्यालय धनगढीले पक्राउ गरि हिरासतमा राखेको थियोे । आरोपित कुँवरले बुधबार दिउँसो साढे १ बजेको समयमा बालिकाको घरमा प्रवेश गरी कोठाभित्र बसिरहेकी बालिकामाथी हातपात गरेको र त्यो कुरा बालिकाले अपरान्हतिर अभिभावकलाई भनेपछी घटना बाहिरिएको हो ।

आरोपित जगत घटनालगत्तै फरार भएका थिए । बालिकाका अभिभावकले फोन गरि सम्पर्कमा ल्याएपछि उनले 'मबाट गल्ती भयो, जेल हाल्ने भए हाल्नुस्' भन्दै उल्टै चेतावनी दिएपछि प्रहरी बोलाई जिम्मा लाएको बालिकाका दाइले बताएका छन् ।
जगत पक्राउ परेपछि उनकी श्रीमती दुर्गा कुँवर, छोरी माया र ममतालगायत परिवार बालिकाको घरमा गई उल्टै मेरो श्रीमान्लाई फसाउने भन्दै बालिका र उनकी दिदीलाई अश्लील शब्द प्रयोग गरि गालि बेइज्जतीसहित कुटपिट गर्न गएपछि छिमेकीले जोगाएका थिए । बालिकाका अभिभावकले दोषी जगतमाथी कडा कार्वाहीको माग गरेका छन् ।

प्रकाशित मिति: शुक्रबार, वैशाख २, २०७९ २०:४२

प्रतिक्रिया दिनुहोस्