कैलालीमा एमालेका ४४ जना महाधिवेशन प्रतिनिधि छनौट , नेताहरु असन्तुष्ट

राजनीति

गृहपृष्ठ
राजनीति
कैलालीमा एमालेका ४४ जना महाधिवेशन प्रतिनिधि छनौट , नेताहरु असन्तुष्ट

कैलालीमा एमालेका ४४ जना महाधिवेशन प्रतिनिधि छनौट , नेताहरु असन्तुष्ट

बुधबार, मंसिर १, २०७८ गोदावरी न्युज

अत्तरिया - कैलालीमा नेकपा एमालेको १० औँ राष्ट्रिय महाधिवेशनका लागि ४४ जना प्रतिनिधि छनोट भएका छन् ।

५ वटा निर्वाचन क्षेत्र रहेको कैलालीको क्षेत्र नं ४ मा चुनावी प्रकृयावाट प्रतिनिधिहरु छनोट गरिएको भएपनि अन्यमा सर्वसम्मत रुपमा प्रतिनिधिहरु छनोट भएका हुन् ।

प्रतिनिधि छनोट भएको विषयलाई लिएर केही नेताहरु भने असन्तुष्ट देखिएका छन् । एकलौटी रूपमा प्रतिनिधि छनोट गरिएको भन्दै क्षेत्र नम्बर २ र ५ का नेताहरूले तीव्र असन्तुष्टि जनाएका छन् ।

आगामी १० देखि १२ मंसिरमा चितवनमा हुन गइरहेको एमालेको दशौँ राष्ट्रिय महाधिवेशनका लागि प्रतिनिधि छनोटमा एकलौटी भएको आरोप लाग्न थालेको छ ।

उता क्षेत्र नं ४ मा भने निर्वाचन प्रकृयावाट प्रतिनिधि छनौट गरिएको थियो । ५ जना निर्वाचन प्रकृया र २ महिला सर्वसम्मत गरि ७ जना प्रतिनिधिहरु छनौट भैसकेका छन् ।

प्रकाशित मिति: बुधबार, मंसिर १, २०७८ ०७:३६