धनगढी -सुदुरपश्चिम प्रदेश सभाका सांसदहरुले शुक्रबार सपथ लिएका छन । मंसिर ४ मा सम्पन्न प्रदेश सभा निर्बाचनबाट निर्बाचित ५२ सांसदहरुले सपथ लिएका हुन ।
प्रदेशसभाको ज्येष्ठ सदस्यका हैसियतले अछाम निर्वाचन क्षेत्र नम्बर १ को (२) बाट निर्वाचित सांसद मानबहादुर रावलले अन्य सांसदहरुलाई शपथ ग्रहण गराएका हुन्। सपथ ग्रहण समारोहमा अधिकांस दलका सांसद नेपाली पोषाक दौरा सुरुवाल लगाएर संसद भबन पुगेका थिए ।
निर्बाचनमा नयाँ दलको रुपमा स्थापित नागरिक उन्मुक्तीका सांसदहरु आफ्नो परम्परागत पहिरनमा आएका थिए । उनिहरु यँहा आकर्षणको केन्द्र बनेका थिए । उनिहरु सँग फोटो खिचाउने अन्य दलका सांसद देखी पत्रकार सम्म थिए । उनिहरुले सपथ पनि थारु भाषामा नै लिएका थिए ।
उक्त पार्टीबाट प्रत्यक्ष र समानुपातिक गरेर ७ जना निर्बाचित भएका छन । प्रदेशमा सरकार बनाउन पनि उनिहरु निर्णायक देखिएका छन ।
माओबादी नेपाली पोषाकमा
केन्द्रमा प्रधानमन्त्रीको सपथ लिन्दा माओबादी अध्यक्ष प्रचण्डले नेपाली पोषाक लगाएर सपथ लिएपछि त्यसको प्रभाब यँहा पनि परेको छ ।
माओबादीबाट निर्बाचित पुरुष सांसदहरुले पनि यँहा नेपाली पोषाक लगाएर नै सपथ लिएका थिए । माओबादी सुदुरपश्चिमका इन्चार्ज एबम प्रदेस सभा सांसद खगराज भट्ट सहित अन्यले नेपाली पोषाक लगाएर सपथ लिएका हुन । बिगतमा माओबादी सांसदहरुले भने नेपाली पोषाक लाउने गरेका थिएनन् ।
1675427501.png)
