धनगढी -सरकारले वर्षा यामका तीन महीना सडक खन्न रोक लगाएको छ। सडक विभाग अन्तर्गतको संघीय सडक सुपरिवेक्षण तथा अनुगमन कार्यालयले बुधबार सूचना जारी गर्दै असार १ देखि भदौ मसान्तसम्म रोक लगाएको जानकारी दिएको छ।
वर्षा याममा धारा‚ ढल‚ बिजुली‚ टेलिफोन आदि प्रयोजनका लागि सडक खन्दा तत्काल मर्मतसम्भार गर्न नसकिने भएकाले यस कार्यालय अन्तर्गतका सडक डिभिजनहरू मातहत रहेका कुनै पनि सडक खन्ने स्वीकृति नदिइने सूचनामा जनाइएको छ।
स्वीकृति नदिंदा पनि सडक खनेको पाइए सार्वजनिक सडक ऐन, २०३१ अनुसार कारबाही गर्ने कार्यालयले चेतावनी दिएको छ।
