अत्तरिया – सुदूरपश्चिम प्रदेशमा कोरोना उपचार पछि डिस्चार्ज हुनेको संख्या १३४ पुगेको छ । सुदूरपश्चिम प्रदेश सरकारको सामाजिक विकास मन्त्रालयको तथ्याङ्क अनुसार शनिबार सम्ममा १ सय ३४ जना कोरोनाको उपचार पछि डिस्चार्ज भएका छन ।
उनीहरु मद्ये अधिकान्स लक्षण नदेखिएका बिरामीलाई १४ दिन आइसोलेसनमा राखेर डिस्चार्ज गर्ने स्वास्थ्य मन्त्रालयले जारी गरेको नयाँ निर्देशिका अनुसार डिस्चार्ज गरिएको छ ।
मन्त्रालयको तथ्याङ्क अनुसार डिस्चार्ज हुनेमा सबैभन्दा बढी कैलालीका छन । कैलालीमा अहिले सम्म ४६ जना डिस्चार्ज भएका छन । त्यस्तै डोटीबाट ३४, कन्चनपुरबाट १४, दार्चलाबाट १२, अछामबाट ११, डडेल्धुराबाट ८, बैतडीबाट ६ र बझाङबाट २ जना डिस्चार्ज भएका छन ।
मन्त्रालयको शनिबार साँझ सम्मको तथ्याङ्क अनुसार सुदूरपश्चिममा ९ सय ३१ जना कोरोना संक्रमित रहेका छन । जसमा कैलालीका २ सय ३६, डडेल्धुराका १ सय ७०, बैतडीका १ सय ४१, डोटीमा १ सय २९, कन्चनपुरमा ९६, बाजुरामा ६९, अछाममा ६०, बझाङमा १८ र दार्चुलामा १२ जना रहेका छन ।
