कैलाली - भारत सरकारले कैलालीको चौमाला बहुमुखी क्याम्पसलाई अनुदान सहायता स्वरूप बस प्रदान गरेको छ । आज आइतबार कैलालीको गौरीगंगा नगरपालिका १ स्थित चौमाला बहुमुखी क्याम्पसलाई भारतीय राजदूतावासले उपहार स्वरुप बस प्रदान गरेकोे हो । चौमाला बहुमुखी क्याम्पसका प्रमुख मिनदत्त ढुंगानाले आज उक्त बस बुझेको जानकारी दिए ।
नेपालमा रहेको भारतीय राजदूतावासले नेपालभर विभिन्न सङ्घ–संस्थालाई ७५ वटा एम्बुलेन्स र विभिन्न विद्यालयलाई १७ वटा बस उपहार दिएको छ । नेपालका विभिन्न जिल्लामा अवस्थित विशेषगरी स्वास्थ्य र शिक्षाको क्षेत्रमा काम गर्ने विभिन्न सरकारी, गैरसरकारी तथा गैर नाफामूलक संस्थाहरूलाई एम्बुलेन्स र बस उपलब्ध गराएको दूतावासले जनाएको छ ।
1658923153.jpg)
