बैतडी - बैतडीमा एक भारतीय नागरिकले ५० लाख बढी रकम ठगेर भागेको खुल्नमा आएको छ । बैतडीमा १५ वर्ष बसेर व्यवसाय गरेका गुल्फाम ठगी गरेर एक वर्ष देखि फरार रहेका हुन् । भारतमा लिलाम भइरहेको रुई कम्पनी आफूले किन्ने भन्दै चार वर्ष अघि बैतडीका केहि व्यक्तिहरूबाट ५० लाख ऋण निकालेर लगेका गुल्फामले कसैलाई पैसा फिर्ता गरेका छैनन् ।
गुल्फामले बैतडीमा सैलुन, श्रृंगार, खेलौना, सिरक र मोबाइल पसल सञ्चालन गरेका थिए । गुल्फामले एकै जनाबाट १९ लाख रकम सम्म लिएका छन् । आफ्नो पाँच लाख रकम ठगेको युनिक सिलाई सेन्टर गोठलापानीका सञ्चालक दिनेश सिनालले बताए । पाँच लाखको आफूले बैंकलाई करिब चार लाख व्याज मात्र तिरिसकेको, तर आफ्नो पैसा उठ्ने अत्तोपत्तो नभएको सिनाल बताउँछन् ।
गुल्फामले विवाह पनि बैतडीकै युवतीसँग गरेका थिए । अहिले दुवैजना फरार रहेका छन् । बैतडीमा रहँदा समेत गुल्फामले जुवा तास खेल्ने र खेलाउने समेत गरेका थिए । यस विषयमा प्रहरीमा भने मौखिक जानकारी मात्र आएको जिल्ला प्रहरी कार्यालय बैतडीका प्रवक्ता लोकराज जोशीले बताए । भारतीय व्यापारीहरूले सिरकको रुई भित्र लुकाएर ड्रग्सको सप्लाई गर्ने गरेको स्थानियवासी बताउँछन् ।
1658923153.jpg)
