बैतडी - ९ हजार हेक्टर क्षेत्रफलमा धान खेती गरिदै आएको बैतडीमा ७५ प्रतिशत रोपाइ सकिएको छ भने बाकि २५ प्रतिशत मात्र रोपाइ गर्न बाकि छ । बैतडीका १० ओटै स्थानीय तहका कृषि प्राविधिकहरुले दिएको जानकारी अनुसार असार १५ गतेसम्म जिल्लामा ७५ प्रतिशत रोपाइँ भइसकेको कृषि ज्ञान केन्द्र बैतडीका कृषि प्रशार अधिकृत नरेन्द्रबहादुर चन्दले जानकारी दिए ।
सिँचाइको सुविधा भएका ठाउँमा रोपाइँ सम्पन्न भएको चन्दले बताए । जिल्लामा जेठको अन्तिम साता देखि नै रोपाइँ गर्न सुरु गरिएको र असार महिना भित्रै सबै ठाउँमा रोपाइँ भइसक्ने कृषि ज्ञान केन्द्र बैतडले जनाएको छ ।
