धनगढी – कोरोना भाइरसलाई लक्षित गरी धनगढी बिमानस्थलमा हेल्थ डेस्क स्थापना गरिएको छ । कोरोना भाइरसको संक्रमण भित्रिन नदिन सुदूरपश्चिम प्रदेशको सामाजिक बिकास मन्त्रालयले हेल्थ डेस्कको स्थापना गरेको हो ।
बिषेशगरी चिन तथा थाइल्याण्ड लगायतका अन्य मुलुकबाट स्वदेश फर्किने नागरिकलाई मध्यनजर गर्दै हेल्थ डेस्क स्थापना गरिएको मन्त्रालयले जनाएको छ ।
मन्त्रालयका अनुसार हेल्थ डेस्कमा दुई जना स्वास्थ्यकर्मी राखिएको छ । बिमानस्थलमा कोरोना भाइरसका संकास्पद ब्यक्ती भेटिएमा तुरुन्त सेती प्रादेशिक अस्पताल धनगढीमा ल्याएर उपचार गर्नका लागी छुट्टै कक्षको समेत स्थापना भइसकेको सामाजिक बिकास मन्त्रालयले जनाएको छ ।
यसअघि कैलाली, कञ्चनपुरका बिभिन्न सिमा नाकामा हेल्थ डेस्क स्थापना गरिसकेको मन्त्रालयले जनाएको छ ।
