अत्तरिया - सुदूरपश्चिममा भरखरै नियुक्त भएका प्रदेश प्रमुख देवराज जोशीले पदभार ग्रहण गरेका छन् ।
सरकारले यस अघिका प्रदेश प्रमुख गंगाप्रसाद यादवलाई हटाएर जोशीलाई नियुक्त गरेसंगै आज प्रदेश प्रमुखको कार्यालय धनगढी पुगेर उनले पदभार ग्रहण गरेका हुन् ।
प्रदेश कार्यालय पुग्नेबित्तिकै प्रदेशका मन्त्री, प्रदेश सांसद, प्रदेशका मुख्यसचिव र संघीय सरकारका उच्चपदस्थ कर्मचारी, सुरक्षा निकायका प्रमुखले फूलमालासहित स्वागत गरेका थिए । स्वागत तथा अभिनन्दन गरेलगत्तै नेपाली सेनाको एक टुकडीले प्रदेश प्रमुख जोशीलाई सलामी दिएको थियो ।
पदभार ग्रहण गर्दै नवनियुक्त प्रदेश प्रमुख जोशीले सबैको सुझाव र सल्लाह लिएर मात्र अगाडी बढ्ने बताएका छन् । उनले आफुले संविधान र कानुनमा रहेर सुदूरपश्चिमका जनताको हितमा काम गर्ने प्रतिबद्धता जनाएका छन् ।
