काठमाण्डौ - नेपाल आयल निगमले पेट्रोल, डिजेल र मट्टितेलको मूल्य बढाएको छ । निगमले आज एक विज्ञप्ति जारी गर्दै राति १२ बजे देखि लागू हुने गरी प्रतिलिटर दुई रुपैयाले पेट्रोलियम पदार्थको मूल्य बढाएको जनाएको हो ।
भारतीय आयल कर्पोरेशनबाट १ डिसेम्बर २०१९ मा प्राप्त नयाँ खरिद मूल्यमा केही बढेर आएकाले मूल्य वृद्धि गरिएको निगमले जनाएको छ । निगमका अनुसार अब नयाँ मूल्य सूची अनुसार पेट्रोलको मूल्य प्रतिलिटर १०९ तथा डिजेल र मट्टितेलको मूल्य प्रतिलिटर ९७ रुपैयाँ पर्नेछ।
तर हवाई इन्धन र खाना पकाउने एलपी ग्याँसको मूल्य भने यथावत नै राखिएको निगमले जनाएको छ ।
