धनगढी-सुदुरपश्चिम प्रदेशको आयोजनामा पहिलो अन्तर प्रदेश मुख्यमन्त्री कप खेलकुद प्रतियोगिता भोलीदेखि सुरु हुँदै छ।
प्रतियोगिताको सम्पुर्ण तयारी भएको सामाजिक विकास मन्त्रालयले आज पत्रकार सम्मेलन आयोजना गरी जनाएको छ ।
प्रतियोगिताका खेलहरु भोलीदेखि सुरु भएपनि उद्धघाटन भने चैत १ गते प्रतिनिधि सभाका सभामुख कृष्णवहादुर महराले गर्ने कार्यक्रम रहेको छ।
पत्रकार सम्मेलन मा बोल्दै सामाजिक बिकास मन्त्री कृष्णराज सुबेदीले खेलमा कुनै किसमको आर्थिक अनियमितता हुन नदिने दाबी गरे । उनले भने - न म आफु भ्रष्चाटार गर्छु न कसैलाई गर्न दिन्छु ।
प्रतियोगित अन्तर्गत १३ वटा खेलहरु हुने भएका छन् ।
प्रतियोगितामा स्वर्ण पदक प्राप्त गर्ने खेलाडीलाई मेडल तथा प्रमाणपत्र सहित जनही १० हजार पुरस्कारको व्यवस्था गरिएको छ भने सर्वाधिक स्वर्ण पदकका साथ प्रथम, द्धितिय र तृतिय हुने प्रदेशलाई ट्रफी सहित नगद १५ लाख, ८ लाख र ५ लाख पुरस्कार प्रदान गरिनेछ।
