धनगढी - सेती प्रादेशिक अस्पतालको प्रयोगशालामा बिहिबार थप ११ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा ६१ जनामा कोरोना परिक्षण गरिएकोमा ११ जनामा संक्रमण पुष्टि भएको अस्पतालका सुचना अधिकारी दिलिप कुमार श्रेष्ठले जानकारी दिए । यस्तै ५० जनाको रिपोर्ट निगेटिभ आएको छ ।
अस्पतालले आज जारी गरेको प्रेस नोटमा उल्लेख भए अनुसार हाल अस्पतालमा ३ जना कोरोना संक्रमितको उपचार भइरहेको छ ।जसमध्ये १ जनाको आइसियुमा उपचार भईरहेको छ । आज अस्पतालमा १ जना नयाँ बिरामी भर्ना भएका छन् भने ३ जना निको भइ घर फर्केका छन् ।
