अछाम - अछामको पञ्चदेवल विनायक नगरपालिका–४ मा १७ बर्षिय किशोर विनोद शाही मृत फेला प्रकरणमा नगर प्रमुख अम्बिका चलाउने सहित ७ जना पक्राउ परेका छन् । विनोद शाहीको हत्या अभियोगमा पञ्चदेवल विनायक नगरपालिकाकी नवनिर्वाचित नगरप्रमुख चलाउने सहित सात जना प्रकाउ परेका हुन् ।
यसअघि ५ जनालाई मात्रै प्रहरीले पक्राउ गरेकोमा हिजो (शनिबार) चलाउने सहित थप दुई जनालाई पक्राउ गरिएको सुदूरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक मोहनकुमार आर्चायले बताए । आर्चायका अनुसार हिजो पञ्चदेवल विनायक नगरपालिकाकी नवनिर्वाचित नगर प्रमुख अम्बिका चलाउने र नेत्र शाही पक्राउ परेका हुन् ।
यस्तै घटनाको अनुसन्धान अन्तिम चरणमा पुगेको जिल्ला प्रहरी कार्यालय अछामले जनाएको छ । केही दिनमै प्रहरीले अनुसन्धान सकेर अनुसन्धान रिपोर्ट अदालतमा पेश गर्ने जानकारी दिएको छ । विनोद गत महिनाको जेठ २१ गते बिहान १० बजे गाउँ नजिकैको भिरमा मृत अवस्थामा फेला परेका थिए । किशोर विनोद शाहीको हत्या गरिएको भन्दै परिवारल नगरप्रमुख चलाउने सहित १३ जनाको नाममा प्रहरी समक्ष किटानी जाहेरी दर्ता गरेको थियो ।
1658923153.jpg)
