बैतडी - जिल्लाका तीन स्थानीय तहमा खोरेत रोग फैलिएको छ । १ महिना अघि पाटन नगरपालिका ५ मा फेला परेको खोरेत रोग अहिले मेलौली नगरपालिका र पञ्चेश्वर गाउँपालिकामा पनि खोरेत रोग देखिएको छ ।
मेलौली नगरपालिका २, पञ्चेश्वर गाउँपालिका ५ र पाटन नगरपालिका ५ मा खोरेत रोग फैलिएको पशु सेवा विज्ञ केन्द्र पाटनका प्रमुख गुमानीदत्त पन्तले जानकारी दिए । खोरेत रोग फैलिएको ठाउँहरुमा रोग बिरुद्धको भ्याक्सिन पठाएर पशुहरुमा लगाउन सुरु गरिएको पनि उनले बताए । मेलौली र पञ्चेश्वरमा ५ सय भन्दा बढी पशुहरुलाई खोरेत बिरुद्धको खोप लगाउने कार्यक्रम रहेको उनले बताए ।
१ महिना अघि पनि पाटन नगरपालिका ५ का पशुहरुमा खोरेत रोग देखिएको थियो । पाटन ६ मा मात्रै २ दर्जन पशुचौपाया मरेको पाटन नगरपालिकाका उपप्रमुख कमल बोहराले जानकारी दिए । उक्त वडामा अझै पनि रोग नियन्त्रणमा नआएको वडा अध्यक्ष फुनि सिंह बोहराले बताए ।
आहारा नखाने, र्याल चुहाईरहने, खुट्टाका खूरहरु फाट्ने, १०४ डिग्री भन्दा बढी ज्वरो आउने लगायतका लक्षणहरु देखिने गरेको पशु प्राविधिकहरुले जनाएका छन् । खोरेत रोगका कारण पशुहरुमा महामारी नै फैलिने भएकाले समयमै ध्यान दिनुपर्ने पशु चिकित्सक किसानहरुलाईो सुझाव दिएका छन् ।
1658923153.jpg)
