अत्तरिया - कैलालीकी एक बालिकालाई बन्धक बनाएर बलात्कार गरेको आरोपमा पक्राउ परेका अर्जुन बिक धरौटीमा छुटेका छन् । बिहीबार जिल्ला अदालत कैलालीमा भएको थुनछेक बहसपछि बि.कलाई ५० हजार धरौटीमा रिहा गर्न आदेश भएको थियो ।
उनले धरौटी बराबरको रकम बुझाएर छुटेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक बिष्टले बताए । भजनी नगरपालिका–४ कि १३ वर्षीया किशोरीलाई चार वर्षसम्म बन्धक बनाएर जबरजस्ती करणी गरेको जाहेरी परेपछि उनलाई प्रहरीले पक्राउ गरेको थियो ।
गएको साउन १७ गते काठमाण्डौमा दुई वर्षीय छोरालाई पिठ्युमा बोकेर रिक्सा चलाएको फोटो सामाजिक संजालमा सार्वजनिक भएपछि बिक भाइरल बनेका थिए ।
