काठमाडौं- ११ बिधार्थी संगठनले प्रधानमन्त्री ओली नेतृत्वको सरकारविरुद्ध प्रदर्शन गरेको छ । काठमाण्डौ माइतीघरदेखि बानेश्वरसम्म नाराबाजी गर्दै प्रदर्शन गरेको गरेको हो ।नेपाल बिधार्थी संघको अगुवाइमा ११ बिधार्थी संगठनले मंगलबार प्रदर्शन गरेका हुन।
विधालय देखी विश्वबिधालय तहसम्म भएका शुल्कवृद्धि रोक्नु पर्ने, देशमा भएका हत्या-हिंसा नियन्त्रण गर्नुपर्ने, कञ्चनपुरकी बालिका निर्मला पन्तको हत्यारालाई सार्वजनकि गरी दण्डसजाय लगायतको माग गर्दै प्रदर्शनमा उत्रिएका हुन।
प्रधानमन्त्री केपी शर्मा ओली नेतृत्वको सरकार सर्वसत्तावादी र भ्रष्ट सरकार भएको विद्यार्थीले आरोप लगाएका छन्। राष्ट्रिय झन्डा र विद्यार्थी संगठनका झन्डा बोकेर प्रदर्शनमा उत्रिएका विद्यार्थीले सरकारविरूद्ध नारा पनि लगाएका थिए।
