बैतडी - जिल्लाको दशरथचन्द नगरपालिकामा ‘विद्यार्थीसंग मेयर’ कार्यक्रम सञ्चालन गरिने भएको छ। नगरपालिकाले शुक्रबार सार्वजनिक गरेको आर्थिक वर्ष २०७९/८० को नीति तथा कार्यक्रम र बजेटमा शिक्षालाई गुणस्तरीय बनाउन सो कार्यक्रम सञ्चालन गर्ने भएको हो।
सामुदायिक विद्यालयहरुको शैक्षिक गुणस्तरलाई सुधार्नका लागि नमूना विद्यालय छनौट कार्यक्रम अघि सार्ने नीति तथा कार्यक्रममा उल्लेख छ। नमूना विद्यालय घोषणाका लागि मापदण्ड बनाएर अघि बढ्ने बताइएको छ।
त्यस्तै , सामुदायिक तथा संस्थागत विद्यालयबाट माध्यमिक शिक्षा परीक्षा (एसइइ)मा सर्वोत्कृष्ट अंक ल्याउने विद्यार्थीलाई पुरस्कारको व्यवस्था गरिएको पनि नीति तथा कार्यक्रममा उल्लेख गरिएको छ।