धनगढी -धनगढी उपमहानगरपालिकाका नब निर्बाचित मेयर गोपाल हमालले धनगढीबासीको आज जित भएको बताएका छन । मेयरमा निर्बाचित भएपछि बिजयी र्यालीमा सहभागीलाई सम्बोधन गर्दै उनले भने अब धनगढीलाई धनगढी बासीले बनाउने बताए । उनले मेयरको कार्यभार सम्हालेपछि गुरु योजना अनुसार काम गर्ने बताए । धनगढीलाई भ्रष्टाचार मुक्त बनाउने उनले उदघोष गरे ।
'अब अक्तियारले धनगढीमा भ्रष्टाचार गर्नेलाई खोज्नु पर्दैन, मेयरले नै भ्रष्टाचारीलाई जेल पठाउँछ,' हमाल ले भने,' म एउटा नम्बर दिने छु । कसैले घुस खायो भ्रष्टाचार गर्यो भन्ने सुनियो भने फोन गर्नु होला ।'
उनले धनगढीमा भोट क्रान्ती भएको बताए । ५ वटा दल र राज्यका सबै संयन्त्र प्रयोग भएपनी धनगढी बासीले जितेको उनको भनाई रहेको छ ।
'अब जनता जागी सकेका छन मेरो भूमिका समन्वयकारी हुने छ। हामी कसैलाई पक्षपात गर्ने छैनौ,' उनले भने,' हामी कसैलाई पराइ भन्दैनौ। आज देखी यो धनगढी उपमहानगरपालिका सम्पूर्ण धनगढी बासीको हुने छ । तपाईंहरु चिन्ता नगर्नु होला । मैले मेयर चिनेको छैन । मेरो भनेको मेयर मान्ने हो कि होइन अब त्यस्तो हुने छैन अब हामी धनगढीमा प्रणाली बिकास गर्ने छौं ।'
उनले धनगढीमा भएका र नभएका धनगढीलाई सबै ले माया गर्ने बनाउने बताए ।
