काठमाण्डौं – भारतमा कोरोना भाइरसको संक्रमणबाट ३३ सय सय बढीको ज्यान गएको छ । स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा १६४ जनाको कोभिड–१९ बाट ज्यान गएको हो । अहिलेसम्म तीन हजार तीन सय तीन जनाको मृत्यु भएको छ ।
यस्तै संक्रमितको कुल संख्या १ लाख ६ हजार ७ सय ५० पुगेको छ । पछिल्लो २४ घण्टामा पाँच हजार ६११ जनामा कोरोना भाइरसको संक्रमण पुष्टि भएको हो ।
सबैभन्दा बढी प्रभावित भएको महाराष्ट्रमा ३७ हजार १३६ जनामा संक्रमण पुष्टि भएको छ । त्यहाँ मृत्यु हुनेको संख्या १३ सय २५ रहेको छ । यस्तै तमिलनाडुमा १२ हजार ४४८ र गुजरातमा १२ हजार १४० जनामा कोरोना भाइरसको संक्रमण पुष्टि भएको छ ।
