एजेन्सी - चिनवाट सुरु भएको कोरोना भाईरस अर्थात कोभिड १९ सेलाउनु भन्दा बिश्वभर झन झन बल्झिदो क्रममा फैलिरहेको छ । कोरोनाका कारण विश्वभर ३ लाख २४ हजार बढीले ज्यान गुमाएका छन् । यो समाचार तयार पार्दा सम्मको तथ्यांक अनुसार विश्वभर कोरोनाका कारण ३ लाख २४ हजार ५ सय ५४ जनाले ज्यान गुमाएका हुन् ।
बितेको २४ घण्टामा मात्रै ४ हजार ५८९ जनाको ज्यान गएको छ । यसवाट विश्भर ४९ लाख ८२ हजार ९३७ जना संक्रमित रहेका छन् । यसवाट निको हुनेको संख्या १९ लाख ५६ हजार ३६१ पुगेको छ । १५ लाख ७० हजार ९८३ संक्रमित रहेको अमेरिकामा ९३ हजार ५ सय ३३ जनाको मृत्यु भएको छ । त्यहाँ ३ लाख ६१ हजार १८० जना निको भएर फर्किएका छन् ।
२ लाख ९९ हजार ९ सय ४१ जनाको संक्रमण देखिएको रुसमा अहिलेसम्म २ हजार ८ सय ३७ जनाको ज्यान गएको छ । बेलायतमा अहिलेसम्म २ लाख ४८ हजार ८१८ संक्रमित भएका छन् भने ३५ हजार ३४१ जनाको मृत्यु भएको छ । इटालीमा २ लाख २६ हजार ६९९ संक्रमित भएका छन् भने ३२ हजार १६९ जनाको मृत्यु भएको छ । फ्रान्समा एक लाख ८० हजार ८०९ कुल संक्रमित भएका छन् भने २८ हजार २२ जनाको मृत्यु भएको छ।
स्पेनमा २ लाख ७८ हजार ८०३ कुल संक्रमित भएका छन् भने २७ हजार ७७८ जनाको मृत्यु भएको छ । भारतमा संक्रमितको संख्या एक १ लाख ६ हजार ४ सय ७५ पुगेको छ। त्यस्तै ३ हजार ३ सय २ जनाको ज्यान गइसकेको छ। भारतमा हालसम्म ४२ हजार ३ सय ९ जना निको भएका छन्।
