भारत - द्रौपदी मुर्म भारतको राष्ट्रपतिमा निर्वाचित भएकी छन् । उनी १५ औँ राष्ट्रपतिका रूपमा निर्वाचित भएकी हुन् । सत्तारुढ भारतीय जनता पार्टीको तर्फबाट राष्ट्रपति पदको उम्मेदवार मुर्मुले विपक्षी दलका यसवन्त सिन्हालाई पराजित गर्दै विजयी भएकी हुन् ।
जुलाई २४ तारिखमा राष्ट्रपति रामनाथ कोभिन्डको कार्यकाल सम्पन्न भएपछि विजयी मुर्मुले जुलाई २५ तारिखमा राष्ट्रपतिको पदभार सम्हाल्ने छन् । उनी भारतको पहिलो आदिवासी महिला राष्ट्रपति बनेकी हुन् ।
सन् १९५८ को जुन २० मा ओडिशाको मयुरभञ्ज जिल्लाको उपरबेडा गाउँमा बिरांची नारायणमा भएको थियो । उनी झारखण्डको अल्पसंख्यक सन्थाल जनजातिबाट प्रतिनिधित्व गर्छिन् ।
उनले २०१५ देखि २०२१ सम्म झारखण्ड राज्यको नवौं राज्यप्रमुख(गभर्नर)को रूपमा काम गरेकी छन् । उनले अल्पसंख्यक जनजातिहरुको मोर्चामा राष्ट्रिय उपाध्यक्षको रूपमा पनि काम गरिन् । उनी उडिसा राज्यमा दुईपटक मन्त्रीको रुपमा जिम्मेवारीमा रहिन्।
