कञ्चनपुर - कञ्चनपुरको महाकाली प्रादेशिक अस्पतालले विस्तारित स्वास्थ्य सेवा शुरु गरेको छ । कोरोना महामारीका कारण दुई बर्षदेखि रोकिएको विस्तारित स्वास्थ्य सेवा फेरी शुरु भएको हो ।
अस्पतालले बुधबारदेखि विस्तारित स्वास्थ्य सेवा शुरु गरेको जनाएको छ । महाकाली अस्पतालका निमित्त मेसु डा. अर्जुन भट्टले यस अघि पनि संचालन भएको विस्तारिक स्वास्थ्य सेवा पुन संचालनमा ल्याएको बताए ।
शनिरबार र सार्वजनिक विदाका दिन बाहेक आईतबारदेखि शुक्रबारसम्म नियमित दिउँसो ३ बजेदेखि ५ बजेसम्म अस्पतालमै उक्त सेवा शुरु गरिएको बताए ।
मेसु भट्टले सुदूरपश्चिम प्रदेश सरकारले जारी गरेको विस्तारीत स्वास्थ्य सेवा संचालन तथा अनुगमन सम्बन्धी मापदण्ड ०७६ अनुरुप अस्पतालले समेत स्वास्थ्य सेवा संचालन गरिएको बताए । उनका अनुसार दिउँसो २देखि ४बजेसम्म टिकट काटिसक्नुपर्ने, परार्मश शुल्क ४सय तोकिएको छ ।
