धनगढी - स्टान्डअप कमेडियन तथा हाँस्य कलाकार सन्दीप क्षेत्रीको शुक्रबार असार १० धनगढी आउने भएका छन्। एसईई र १२ कक्षा पास गरेका विद्यार्थीहरुलाई लक्षित गर्दै सुदूरपश्चिमञ्चल एकेडेमी (एसपीए) धनगढीले क्षेत्रीलाई धनगढीमा निम्त्याएको हो।
शुक्रबार बिहान ११ बजेदेखि ओम प्यालेस धनगढीमा हुने कार्यक्रममा एसईई र कक्षा १२ का विद्यार्थीहरुसँग सन्दीपले करिअर काउन्सलिङ तथा अन्तरक्रिया सेशनहरु गर्नेछन्। साथै कार्यक्रममा क्षेत्रीको विशेष प्रस्तुति समेत रहने छ।
आयोजक एसपीए कलेजले एसईई र १२ कक्षा पास गरेका विद्यार्थीहरुलाई निःशुल्क प्रवेशको व्यवस्था गरेको छ। निःशुल्क इन्ट्रि टिकेट सुदूरपश्चिमञ्चल एकेडेमी (एसपीए) कलेजको फेसबुक पेजबाट अथवा सिधैँ कार्यक्रमस्थलमा समेत प्राप्त गर्न सकिने बताइएको छ।
