कञ्चनपुर - कञ्चनपुरको शुक्लाफाँटा नगरपालिकाको झलारी बजारमा पनि दूधको मुल्यमा बृद्धि गराइएको छ । सरकारी स्वामित्वमा रहेको दुग्ध विकास संस्थानले दूधको मुल्यमा बृद्धि भए सँगै निजी डेरीहरूले पनि यही फागुन १ गतेदेखि लागू हुने गरी दूधको मुल्य बढाएका हुन् । सुदुरपश्चिम प्रदेशमा चिसोको प्रभावका कारण महेन्द्रनगरबाहेक अन्य ठाउमा दूधको मूल्यमा बृद्धि गर्न सकेको थिएन ।
कञ्चनपुरको झलारी बजारमा अब यही फागुन १५ गतेदेखि लागू हुने गरी दूधको मूल्य बढाउने निर्णय भएको आँचल डेरी उद्योगका सञ्चालक ललितबहादुर हमालले जानकारी दिएका छन् । उनका अनुसार यही फागुन १५ गतेदेखि झलारी बजारमा पनि दूधको मूल्य साबिक ६५ रुपैया प्रतिलिटरबाट १५ रुपैया बढाएर ८० रुपैयाँ कायम गरिएको छ । ६५ रुपैयाँ प्रतिलिटरमा किसानको दूधको गुणस्तर हेरी खरिद गरिने बताए ।
यसैबीच बृद्धि भएको दुधको नयाँ मूल्यअनुसार अब निजी डेरी सञ्चालकहरूले बिक्रि गर्दा किसानबाट ६५ रुपैया प्रतिलिटरमा दूध खरिद गरी ८० रुपैँया प्रतिलिटरमा बेच्ने भएका छन् । यस्तै दुग्ध व्यवसायीहरूले दही प्रतिकिलो १०० देखि १२० रुपैयाँ , मही ५० रुपैँया, लस्सी ६० रुपैयाँ, पनिर ६५० रुपैया प्रतिकिलो र घ्यू ९५० रुपैयाँ प्रतिकिलोमा बिक्रि गरिन बताएका छन् ।
1658923153.jpg)
