धनगढी -सुदुरपश्चिम प्रदेश सरकारले बुधबार आगामी आर्थिक बर्षको बजेट सार्बजनिक गरेको छ । प्रदेशसभाको बैठकमा सरकारका तर्फबाट आर्थिक मामिला तथा योजनामन्त्री प्रकाशबहादुर रावलले ३६ अर्ब ७४ करोड ६४ लाखको बजेट प्रस्तुत गरेका हुन।जुन चालु आबको बजेट भन्दा ठुलो आकारको रहेको छ ।
सरकारले कुल बजेटमध्ये चालूतर्फ १२ अर्ब २९ करोड ५९ लाख ८४ हजार (३३.४६ प्रतिशत) र पूँजीगततर्फ २४ अर्ब १४ करोड ४७ लाख ६१ हजार रुपियाँ (६५.७४ प्रतिशत) बजेट विनियोजन गरेको छ ।
यसैगरी, सरकारी वित्तीय हस्तान्तरणतर्फ एक अर्ब ३६ करोड ४० लाख (३.७१ प्रतिशत) र वित्तीय व्यवस्थापनतर्फ ३० करोड रुपियाँ (०.८२ प्रतिशत) बजेट विनियोजन भएको मन्त्री रावलले बताए ।
प्रदेश सरकारले पूर्वाधार तर्फ ५ अरब ६० करोड ११ लाख विनियोजन गरेको छ ।
यस्तै सडक पूर्वाधार तर्फ ५ अरब ६० करोड ११ लाख बजेट बिनियोजन गरेको छ । प्रदेश सरकारले खेलकुद संरचना निर्माण गर्न ११ करोड,शिक्षा क्षेत्रका लागि एक अर्ब २३ करोड , स्वास्थ्य क्षेत्रका लागि एक अर्ब ६ करोड ,खानेपानी संरचना निर्माण तथा पुननिर्माणमा १ अर्ब ६७ करोड , सञ्चार क्षेत्रका लागि १ करोड बढी रकम विनियोजन गरेको छ ।
